失望的YSL Fusion Ink compact foundation

我認,我是一時心軟俾BA姐姐導到買這盒compact,事前無做research,就出事。

當天我只為了補給佢支correcting base, 順道試下上面啦,BA姐姐就話,不如加一層compact 定下妝,我就說好啦,結果效果當然好好,情迷意亂下買埋個compact,但幾日試用完覺得大伏,罪狀如下:

1 粉質極乾,跟盒個樸完全沾唔到粉,用掃上當然ok,但咁就遺背左compact帶出街補妝的功用,right?

2 班駁嚴重,由於難沾粉,加上佢粉質實在唔算fine,我死命一沾,再放上面,就即時一撻撻,災難呀

結論:可能你會話,BA姐姐同你試上面明明好靚不是嗎?但要留意專業少少的BA姐姐大多唔會同意直接同你試上面,佢地會卸走你d妝,跟手上足佢地YSL既保濕產品,再加base,最後先上你想試既product,如此一來,除非你肯花大錢大買晒佢地一set products,不然你自己用既時候一定無咁靚,所以以我中伏多次經驗而已,試咩product 都好,唔好即刻買,出去行個圈先,觀察個product (例如粉底)在不同光線下,效果係咪你想要既,同觀察下佢既出油程度、會否變暗等,所以唔好衝動,做個精明消費者呀

4 Comments

Add Yours →

我都覺得補妝好難買,試個時好靚,但補嘅時候就一撻撻,乾嘅地方重起曬死皮。最近我用cushion補妝,效果比用補妝好,起碼無禁乾先,你有無試過丫?

我至今未搵到一隻完美的cusion,同埋夏天用cusion補妝不會很messy嗎?我只需要粉質幼細、有一定遮瘕力的粉餅補妝就好了,用cusion我怕會糊作一團

正常我都可以好堅強say no既,但總有意志薄弱唔知做咩就跌左幾百蚊的時候

Leave a Reply